1. Ընդհանուր կանոններ

Top1.am-ը հայտարարությունների հարթակ է, որտեղ օգտատերերը կարող են հրապարակել, որոնել և դիտել ապրանքների, ծառայությունների, աշխատանքի, անշարժ գույքի և այլ բաժինների հայտարարություններ։ Կայքից օգտվելով՝ դուք համաձայնում եք պահպանել այս կանոնները։

2. Հայտարարության բովանդակություն

• հայտարարությունը պետք է լինի իրական, հասկանալի և համապատասխանի ընտրված բաժնին,
• վերնագիրը, նկարագրությունը, գինը, լուսանկարները և կոնտակտները պետք է չմոլորեցնեն օգտատերերին,
• արգելվում է տեղադրել կրկնվող, կեղծ, խաբուսիկ կամ ուրիշի անունից հրապարակված հայտարարություններ,
• լուսանկարները պետք է համապատասխանեն առաջարկվող ապրանքին կամ ծառայությանը,
• արգելվում է նկարագրության մեջ ավելացնել վիրավորական, ապօրինի կամ սպամ բնույթի նյութեր։

3. Հրապարակում և մոդերացիա

Հայտարարությունները կարող են ստուգվել հրապարակումից առաջ կամ հետո։ Top1.am-ը կարող է խմբագրել, ժամանակավորապես թաքցնել, տեղափոխել այլ բաժին, մերժել կամ հեռացնել հայտարարությունը, եթե այն խախտում է կանոնները կամ վնասում է օգտատերերի անվտանգությանը։

4. Վճարովի ծառայություններ

Կայքում կարող են լինել վճարովի ծառայություններ՝ օրինակ հայտարարության բարձրացում, VIP տեղադրում, տուրբո առաջխաղացում, բիզնես էջեր կամ այլ գործիքներ։ Վճարովի ծառայության միացումը չի երաշխավորում գործարքի իրականացում, բայց կարող է բարձրացնել հայտարարության տեսանելիությունը։

5. Օգտատերերի վարքագիծ

• արգելվում է խաբեությունը, սպամը, սպառնալիքը, վիրավորանքը կամ այլ օգտատերերի տվյալների չարաշահումը,
• գործարքի պայմանները պետք է քննարկվեն ազնիվ և պարզ ձևով,
• խորհուրդ ենք տալիս չփոխանցել կանխավճար կամ անձնական տվյալներ անհուսալի աղբյուրների,
• կասկածելի հայտարարությունների կամ օգտատերերի մասին կարող եք բողոք ուղարկել կայքի գործիքներով։

6. Խախտումներ

Կանոնների խախտման դեպքում Top1.am-ը կարող է հեռացնել հայտարարությունը, սահմանափակել օգտատիրոջ հասանելիությունը, արգելափակել հաշիվը կամ մերժել որոշ ծառայությունների տրամադրումը։ Կրկնվող կամ լուրջ խախտումները կարող են հանգեցնել հաշվի ամբողջական արգելափակման։

7. Պատասխանատվություն

Top1.am-ը հարթակ է և չի հանդիսանում օգտատերերի միջև կնքվող գործարքների կողմ, եթե առանձին ծառայության պայմաններով այլ բան նախատեսված չէ։ Օգտատերերը պատասխանատու են իրենց հրապարակած տվյալների, առաջարկների և գործարքների համար։